പ്രവാചക വചനങ്ങളും ആധുനിക ഭ്രൂണശാസ്ത്രവും

വിശുദ്ധ ഖുർആനിലെ ഭ്രൂണശാസ്ത്രസംബന്ധിയായ വചനങ്ങളെ സംബന്ധിച്ചും അവയില ഉപയോഗിച്ച വിവിധ വാക്കുകളുടെ ഭാഷാപരമായ സവിശേഷതകളും നാം വിശദമായി പരിശോധിച്ചു. മുഹമ്മദ്‌ നബി (സ)ക്ക് ഈ വിവരങ്ങൾ ലഭിക്കുവാൻ സാധ്യതയുണ്ടായിരുന്ന സ്ത്രോതസ്സുകളെ സംബന്ധിച്ച കൃത്യമായ പഠനത്തിൽ നിന്ന് ഇവ ഒരിക്കലും മാനുഷികമല്ല എന്ന് മനസ്സിലാക്കി. വിശുദ്ധ ഖുറാനിനോടൊപ്പം തന്നെ ഇസ്ലാമിക നിയമങ്ങളുടെ അടിസ്ഥാന പ്രമാണങ്ങളിലൊന്നാണ് പ്രവാചക വചനങ്ങൾ അഥവാ ഹദീസുകൾ. ഹദീസുകലിലും ഇവ്വിഷയകമായി ചില പരാമർശങ്ങൾ വന്നിട്ടുണ്ട്. ഹദീസുകളെ പലതിനെയും പല കാരണങ്ങൾ ചൂണ്ടിക്കാണിച് അവയെ തള്ളിക്കളയാനുള്ള പ്രവണത വര്ദ്ധിച്ചു വരുന്ന ഈ കാലത്ത് ഭ്രൂണശാസ്ത്ര സംബന്ധിയായ പ്രവാചക വചനങ്ങളെക്കുറിച്ചുള്ള പഠനം ഹദീസുകളുടെ പ്രാമാണികത ബോധ്യപ്പെടാൻ നമ്മെ സഹായിക്കാൻ ഉതകുന്നതായിരിക്കും.
നിലവിലുള്ള ഏറ്റവും പ്രാമാണികമായ ഹദീസ് ഗ്രന്ഥങ്ങളായ സ്വഹീഹ് ബുഖാരിയിലും സ്വഹീഹ് മുസ്ലിമിലും വന്ന ഒരു ഹദീസിൽ ഇങ്ങനെ സംഗ്രഹിക്കാം. ഗർഭാശയത്തിൽ ബീജസംയോഗം നടന്ന് 40ഓ 45ഓ ദിവസത്തിന് ശേഷം ഒരു മലക്ക് വരും. ആ മലക്ക് പല ചോദ്യങ്ങളും അല്ലാഹുവിനോട് ചോദിക്കും. അതിലൊന്നാണ് കുട്ടി ആണോ പെണ്ണോ എന്നത്. അവ അല്ലാഹുവിന്റെ മറുപടി അനുസരിച് മലക്ക് രേഖപ്പെടുത്തും.
ഹദീസുകളെ വിമർശിക്കാൻ ഇടം നോക്കി നടക്കുന്നവർ ഏറെ കൊട്ടിഘോഷിച് കൊണ്ട് നടന്നിരുന്ന തെളിവുകളിലോന്നായിരുന്നു ഇത്. കാരണം ജനിതിക ശാസ്ത്രം പ്രകാരം പുരുഷനിൽ XY ക്രോമോസോമും സ്ത്രീകളിൽ XY ക്രോമോസോമുകളുമാണ്ള്ളത് . XY ക്രോമോസോമുള്ള പുരുഷ ബീജവും XX ക്രോമോസോമുള്ള സ്ത്രീ അണ്ഡവും കൂടിചേരുമ്പോൾ XX ക്രോമോസോം ആണ് രൂപം കൊള്ളുന്നതെകിൽ കുഞ്ഞു പെണ്ണും അതല്ലെങ്കിൽ കുഞ്ഞു ആണുമായി മാറുന്നു. ബീജ സംയോഗം നടക്കുന്നത് ആദ്യ ദിനമാണ് എന്നിരിക്കെ നാല്പ്പതിനും നാല്പതിയഞ്ചിനും ഇടക്കുള്ള ദിവസങ്ങളിൽ ലിംഗ നിർണയം നടക്കുന്നു എന്ന ഹദീസിലെ പരാമർശം ശാസ്ത്ര വിരുധമല്ലേ? ഏറ്റവും വിശ്വസനീയമായ ഹദീസ് ഗ്രന്ഥങ്ങളായ സ്വഹീഹ് ബുഖാരിയിലും സ്വഹീഹ് മുസ്ലിമിലുമെല്ലാം ഈ ഹദീസ് രേഖപ്പെടുത്തപ്പെട്ടിട്ടുണ്ട് എന്നിരിക്കെ മുഴുവൻ ഹദീസുകളുടെയും പ്രാമാണികത ചോദ്യം ചെയ്യാനുള്ള ഒരു ആയുധമായി ഹദീസ് നിഷേധികൾ ഈ ഹദീസിനെ കണ്ടു എന്നാൽ ഇതിലെ യാഥാർത്ഥ്യം നമ്മെ അത്ഭുതപ്പെടുത്തുന്ന എന്നതത്രെ വാസ്തവം!
ഇതിന്റെ ശാസ്ത്രീയ വശം നമുക്കൊന്ന് പരിശോധിക്കാം. ഭ്രൂണ വികാസത്തിന്റെ ആറാമത്തെ ആഴ്ചയിൽ ഭ്രൂണത്തിൽ സ്ത്രീ പുരുഷ ജനനഗ്രന്ഥികൾ അനന്യമായ നിലയില കാണപ്പെടുന്നു. എന്നാൽ ആറാമത്തെ ആഴ്ചക്ക് ശേഷം തികച്ചും പ്രാധാന്യമർഹിക്കുന്ന ഒരു മാറ്റം സംഭവിക്കുന്നു. സ്ത്രീ പുരുഷ ഹോർമോണുകളുടെ ഉദ്പാദനം ഉത്തേജിപ്പിക്കുന്ന ജീനുകൾ പ്രയോഗക്ഷമ ആകുന്നത് ഈ സമയത്താണ്.
ഭ്രൂണകോശങ്ങളിൽ Y ക്രോമോസോമ്മ് ഉണ്ടെങ്കിൽ Y ക്രോമോസോമിലുള്ള SRY ജീൻ പ്രവര്ത്തനക്ഷമമാകുകയും പുരുഷ ഹോർമോണുകളുടെ ഉദ്പാദനം ഉദ്ദീവിക്കപ്പെടുകയും ചെയ്യുന്നു. ഇനി Y ക്രോമോസോമിൽ SRY ജീൻ ഇല്ലെങ്കിൽ ഇന്നും പൂര്ണമായി മനസ്സിലാവാത്ത ചില വ്യവസ്ഥകളിലൂടെ കുഞ്ഞു പെണ്ണായി മാറുന്നു. ഇത് സംഭവിക്കുന്നത് ആറാം ആഴ്ചയിലെ അവസാന ഘട്ടത്തിലാണ്! അതായത് ഹദീസിൽ പരാമര്ഷിച്ചത് പ്രകാരം 4൦ രാത്രികല്ക്ക് ശേഷം!
എഡി ഏഴാം നൂറ്റാണ്ടിൽ ജീവിച്ച ഒരു മനുഷ്യന്റെ നാവിൽ നിന്ന് എങ്ങനെ ശാസ്ത്രം പോലും ഈയിടക്ക് കണ്ടെത്തിയ ഇന്നും പൂര്ണമായി മനസ്സിലാകാൻ കഴിയാത്ത ഈ കാര്യം വളരെ കൃത്യമായി വന്നു? പ്രവാചക വചനങ്ങളും ആധുനിക ഭ്രൂണശാസ്ത്രവുമായി ഒരു വൈരുധ്യവും പുലർത്തുന്നില്ല എന്ന് മനസ്സിലാകാൻ ഈ പ്രവാചക വചനം തന്നെ ധാരാളമാണ്.